بحث هذه المدونة الإلكترونية
الموضوع فى غاية الخطورة.
تعالى عوزين نلحق نفوق بعض بجد لان مفيش وقت ولازم نلحق:
اكيد انتوا عارفين اننا فى شهر شعبان.....شهر ترفع فيه الاعمال الى الله............تخيل عمل السنة دى كلها بيترفع اليومين دول...وعشان كدا الرسول كان بيصوم كتير فى شعبان
طيب تعالى احنا با نشوف حالنا ونحاسب نفسنا بينا... وبين بعض كده عشان نلحق قبل اعمالنا ما ترفع:
سنة الاعمال بتبدا برمضان وتنتهى بشعبان....طيب تعالوا نفتكر كدا كان ايه حالنا فى طول السنه:
رمضان اللى فات:"اللــــــــــــــــــــــ ــــه كانت ايام حلو ومباركه بجد...فاكر لما كنا صيمين وطول النهار نردد اذكار ونقرا قران ونتمشى كدا مع اصحابنا بعد صلاة الفجر ونفكر بعض بالجنة ونخوف بعض من النار..فاكر !!...فاكر لما كنت بتفضل مشغل قران فى بيتك ومعلى الصوت شويه عشان البركه تملى بيتك والمليكه تسكن معاك....فاكر لما كنت بتدينى تمرة وتقولى بالله عليك افطر عليها عشان تاخد ثواب افطارى...فاكر !!........فاكر لما كنا بنصلى التراويح مع بعض ونختار مسجد صوت الامام يساعد على الخشوع عشان نستمتع بالصلاه...فاكر لما بكيت فى الصلاة وخليتنى ابكى معاك من خشيه الله..فاكر !!
طيب فاكر لما نويت متسمعش اغانى تانى وبطلت تشوف افلام وقولت انتهى عصر المسلسلات ورمضانى مش عندهم رمضانى مع مصحفى وسجدتى ... فاكر !!
فاكرة اختى لما قولتى وعد يارب مش هشوف مسلسلات تانى وهخلينى معاك انت بس يارب...رمضانى مع مصحفى وسجدتى يارب مش عندهم ابدا....فاكرة !!
فاكرة وانتى بتجهزى الفطار ولسانك شغال استغفار واذكار عشان تزودى حسناتك...فاكرة !!
فاكرة لما قولتى هختم القران عالاقل السنة دى 3مرات فى رمضان فاكرة !!!
فاكر لما كنا معتكفين فالمسجد وازاى كنا بنحلم منخرجش من المسجد ابدا تانى..فاكر !!
اووووووووووووووووووووووووووووووووووووووووه بس فاكرين با يوم العيد عيد الفطر.....فاكر !! فاكرة!!
فاكر لما كسلت تصحى تصلى الفجر اللى كنت محافظ عليه صف اول؟؟
فاكر لما قولت هو انا لسه هخلع الكوتش يوم العيد عشان اصلى الضهر فالمسجد منها هصليه فالبيت لما اروح ويومها صليت كل الفروض قبل متنام ..فاكر !!
فاكرة اختى لبسك اتغير ازاى يوم العيد وخرجتى ازاى !!
وتوالت الانكسارات والانتكاسات....وحده وحده............
فاكر لما قولت طيب هسمع اغانى تانى بس مش كتير..البوم واحد بس...وفيلم واحد عشان بس الفيلم ده جديد ومكسر الدنيا.....طيب هضيف البنوته دى عالفيس اصل بصراحه اسمها حلووو اوووووووووى وشدنى وصورة بروفايلها بصراحه مغريه ....فاكر !!
فاكر لما بدأت تشير كليبات تانى واغانى تانى عالفيس ....فاكر لما غرقت فى بحر الشات والتعارف مع البنات وكلام الحب وعشق الضحكات...فاكر !!
فاكر لما الاذان كان بياذن وانت تقول هصلى هنا هو انا لسه هنزل اصلى فالمسجد وبعدين بجد انا تعبان دلوقت اوووى ......فاكر لما كنت بتقفل على نفسك الباب....فاكر !!!
فاكر كم اغنيه بعتها لصحبك..فاكر كم فيلم اديته لاصحابك...فاكر لما اتكلمت عن بنات الناس ولسانك مبطلش كلام على فلانه وفلانه فاكر !!
فاكره اختى لما رجعتى تانى للافلام والمسلسلات وكلام الشات وجروب تعارف الشباب والبنات..فاكرة حياتك اتغيرت للاسوء ازاى فاكره !!
فاكرة لما لبسك اتغير مع بدايات الصيف وازاى كنتى بتفرحى عشان شاب اتفتن بلبسك وبصلك ورمى كلمه ملهاش لزمه بس ده بسبب لبسك فاكره !!
فاكرة كل اغنيه سمعتيها وازاى لما كانت صحبتك تقولك كل ثانيه سمعتى فيها اغنيه او فيلم او مسلسل او مشيتى متعطرة اوحجابك مش شرعى كل ده هيجى فى ميزان سيئاتك فاكرة انتى رديتى ببرود ازاى !!
طيب والعمل يا جماعه !!
عملنا هيترفع كدا!!!........................هنروح لربنا كدا !!!..........هنشترى الجنة بده !!!! الحق توب عشان ربنا يبدل سئات سنه كامله بحسنات
يقول الله في الحديث القدسي:
"يابن آدم إنك مادعوتني ورجوتني غفرت لك علي ماكان منك ولا أبالي،
يابن آدم لوبلغت ذنوبك عنان السماءثم إستغفرتني غفرت لك علي ماكان منك ولا أبالي،
يابن آدم لوآتيتني بقراب الأرض خطايا ثم لقيتني لا تشرك بي شئ لأتيتك بقرابهامغفره"
يقول المصطفي فيما يرويه عن رب العزة:" إذا تقرب العبد إلي شبرا تقربت إليه ذراعا ، وإذا تقرب إلي ذراعا تقربت منه باعا ،وإذا أتاني يمشي أتيته هروله".......
طيب هتستنى ايه..قوله راجعلك يـــــــــــــــــــــــــــــــــــــــــــــــــــــــــــــــــارب
اقبلنى يــــــــــــــــــــــــــــــــــــــــــــــــــــــــــــــــــــارب
فلا تقل غدا أتووووووووووووووب أو غدا أجوووووووووووووووووووووووووووووووووووووول فإنه إذا مضي الزمان لا يعود
لو الموضوع عجبك اضغطshareلو سمحت..انا هضغط قبلكم اهو ان شاء الله عشان ممكن حد يقراه ويعمل لنفسه وقفه مع النفس بسببنا ونكون سبب فى هدايته ورجعوه لربن
ليست هناك تعليقات:
إرسال تعليق